የቂርቆስ ክፍለ ከተማ የጉራጌ ልማትና ባህል የተወላጆች ምክክር መድረክ አካሄደ፡፡

 

የምክክር መድረኩን በንግግር የከፈቱት የክፍለከተማው የህዝብ አደረጃት ም/አማካሪ አቶ ብርሀኑ ታደሰ መድረኩ የጉራጌ ህዝቦች ከገጠር እስከ ከተማ ያሉባቸውን ዘርፈ ብዙ ችግሮች ነቅሶ በማውጣት ብሎም ተግባራዊ እንቅስቃሴ ለማድረግ ታስቦ መዘጋጀቱን ተናግረዋል፡፡

 

የጉራጌ ህዝቦችን የልማት ፍላጎት እውን ለማድረግ 150 ሚሊዮን ብር ለማሰባሰብ የታሰበ ቴሌቶን ለመጀመር እንቅስቃሴ ላይ መሆኑን የተናገሩት አቶ ብርሀኑ ለታለመው መልካም ተግባር መሳካት 3 አደረጃጀቶች መመስረታቸውን ገልፀዋል፡፡

 

በተበታተነ መልኩ ከሚደረጉ የልማት ተግባራት ይልቅ በተደራጀ መልኩ መንቀሳቀስ ውጤታማ ያደርጋል ያሉት ደግሞ የጉራጌ ልማትና ባህል የብሔራዊ አስተባባሪ አቶ መላኩ ገዙ የጉራጌ ህዝብ በትምህረት፤በጤና እንዲሁም በሌሎች መሰረተ ልማት ዝርጋታ እጥረት ሳቢያ ተቸግሮ ኖሯል ብለዋል፡፡

 

እሳቸው እንደሚሉት ችግሮቹን ለመፍታት በሁሉም የዓለም ክፍል የሚገኙ የዞኑ ተወላጆች የልማቱ ተሳታፊ በመሆን ለውጥ ማምጣት ይጠበቅባቸዋል ብለዋል፡፡

 

የምክክሩ ተሳታፊና የዞኑ ተወላጅ አቶ በላይ ውጂ በበኩላቸው በዞኑ የሚታየው ልማት አናሳ መሆን የብሔሩ ተወላጆች ትክክለኛና ቁርጠኛ ተሳትፎ ባለማድረጋቸው በመሆኑ የተገኘውን አጋጣሚ ሊጠቀሙበት ይገባል ብለዋል፡፡ የልማቱ ተሳታፊ ለመሆን ዝግጁ መሆናቸውን አረጋግጠዋል፡፡ የዞኑ ተወላጆችም ለተቀደሰው አላማ እንዲረባረቡ ጠይቀዋል፡፡

 

 

በቂርቆስ ክፍለ ከተማ ወጣቶችና ስፖርት ጽ/ቤት አስተባባሪነት ከሰኔ 28 ሲሰጥ የነበረው የበጎ ፈቃደኝነት የክረምት መርሀ ግብር ተጠናቀቀ፡፡

 

በወጣቶች የበጎ ፈቃደኝነት የመርሀ ግብር የክፍለ ከተማው ሴክተር ጽ/ቤቶች ተሳታፊዎች የነበሩ ሲሆን የትምህርት፤ የጤና እንዲሁም የአካባቢ ጥበቃ ጽ/ቤቶች በዋናነት ተጠቃሾች ናቸው፡፡

 

  በዚህም የወጣቶችን በኤች.አይ.ቪ ኤድስ ዙሪያ ያላቸውን ግንዛቤ በመጨመር ከፍተኛ ንቅናቄ ስራ የተሰራ ሲሆን የአቻ ለአቻ የህይወት ክህሎት ስልጠናዎች መሰጠታቸውንና የትምህረት ጥራትን ለማስጠበቅ በሚደረገው ሂደት ውስጥ ወጣቶች በበጎ ፈቃደኝነት ስራ ላይ ተሰማርተው የበኩላቸውን አስተዋፅኦ እንዲደረጉ እንዲሁም የከባቢ አየር ንብረት ለውጥን ለመከላከል በርካታ ችግኞች መተከላቸውን ከየጽ/ቤቶቹ የተወከሉ አካላት ተናግረዋል፡፡

 

 በክረምት የወጣቶች በጎ ፈቃኝነት ስራዎች ላይ በመምህርነት ሲሰራ መቆየቱን የገለፀው ወጣት ተገኝ ፀጋው እንደተናገረው የወጣቶች በጎ ፈቃደኝነት ከአሁን በፊትም የነበረ ቢሆንም እንደአሁኑ ግን የተጠናከረ አልነበረም ብሏል፡፡ ወጣቱ እንዳለው በጎ ፈቃደኝነት ተግባር ተጠናክሮ ቢቀጥል ለሀገራችን ለውጥ ማምጣት እንዲችል ከማድረጉም ባሻገር ወጣቱ አልባሌ ቦታዎች እንዳይውል ያደርገዋል ብለዋል፡፡

 

የወጣቶች የበጎ ፈቃደኝነት ተግባር ቀጣይነት እንዳለው የተናገረው ደግሞ የክፍለ ከተማው ወጣት አደረጃጀት ፕሬዘዳንት ወጣት ዮናስ ግርማ ነው፡፡ እንደ ወጣት ዮናስ ገለፃ በክረምት የበጎ ፈቃደኝነት ስራዎች በርካታ ወጣቶች ተሳታፊዎች የነበሩ ሲሆን በጤና ዘርፍ የግንዛቤ ማስጨበጫ ተሰጥቷል፡፡

 

የበጎፈቃደኝነት ተግባር ላይ መሳተፋቸው ያላቸውን ክህሎት የሚያሳይና ወጣቶች በፍቃደኝነት የተመሰረተ የኤች.አይ.ቪ ምርመራ በማድረግ ጤናቸውን እንዲጠብቁ ያደርጋቸዋል ብሏል፡፡

 

የወጣቶችን ተሳታፊነት ለማረጋገጥ በ5 ዋና ዋና ዘርፎች ላይ እንዲሳተፉ መደረጉን የተናገሩት የክፍለከተማው የወጣቶችና ስፖርት ጽ/ቤት ኃላፊ አቶ ደስታ ሎሬንሶ ወጣቶች በችግኝ ተከላ፤በትምህረት፤በስነተዋልዶ፤በሰብዓዊ መብትና መልካም አስተዳደር ዙሪያ ሰፊ ስራዎች መሰራታቸውን አስረድተዋል፡፡

 

በክረምቱ የመርሀ ግብር 28 ሺ 98 ወጣቶች ተሳታፊዎች እንደነቡ የተናገሩት ኃላፊው ወጣቶች የተጀመረውን መልካም ስራ በመግባባትና በአዎንታዊ አስተሳሰብ እንዲያጠናክሩት አሳስበዋል፡፡

 

በእለቱ የኤች.አይ.ቪ ኤድስን ዘርፈ ብዙ ችግሮችን የሚያሳይ ሙዚቃዊ ድራማ የቀረበ ሲሆን ለበጎ ፈቃደኝነት ስራው አስተዋፅኦ ላደረጉ ጽ/ቤቶችና ወጣቶች የምስክር ወረቀትና የዋንጫ ሽልማት ተበርክቶላቸዋል፡፡

 

 

 

 

 

በቂርቆስ ክፍለ ከተማ ወጣቶችና ስፖርት ጽ/ቤት አስተባባሪነት ከሰኔ 28 ሲሰጥ የነበረው የበጎ ፈቃደኝነት የክረምት መርሀ ግብር ተጠናቀቀ፡፡

 

በወጣቶች የበጎ ፈቃደኝነት የመርሀ ግብር የክፍለ ከተማው ሴክተር ጽ/ቤቶች ተሳታፊዎች የነበሩ ሲሆን የትምህርት፤ የጤና እንዲሁም የአካባቢ ጥበቃ ጽ/ቤቶች በዋናነት ተጠቃሾች ናቸው፡፡

 

  በዚህም የወጣቶችን በኤች.አይ.ቪ ኤድስ ዙሪያ ያላቸውን ግንዛቤ በመጨመር ከፍተኛ ንቅናቄ ስራ የተሰራ ሲሆን የአቻ ለአቻ የህይወት ክህሎት ስልጠናዎች መሰጠታቸውንና የትምህረት ጥራትን ለማስጠበቅ በሚደረገው ሂደት ውስጥ ወጣቶች በበጎ ፈቃደኝነት ስራ ላይ ተሰማርተው የበኩላቸውን አስተዋፅኦ እንዲደረጉ እንዲሁም የከባቢ አየር ንብረት ለውጥን ለመከላከል በርካታ ችግኞች መተከላቸውን ከየጽ/ቤቶቹ የተወከሉ አካላት ተናግረዋል፡፡

 

 በክረምት የወጣቶች በጎ ፈቃኝነት ስራዎች ላይ በመምህርነት ሲሰራ መቆየቱን የገለፀው ወጣት ተገኝ ፀጋው እንደተናገረው የወጣቶች በጎ ፈቃደኝነት ከአሁን በፊትም የነበረ ቢሆንም እንደአሁኑ ግን የተጠናከረ አልነበረም ብሏል፡፡ ወጣቱ እንዳለው በጎ ፈቃደኝነት ተግባር ተጠናክሮ ቢቀጥል ለሀገራችን ለውጥ ማምጣት እንዲችል ከማድረጉም ባሻገር ወጣቱ አልባሌ ቦታዎች እንዳይውል ያደርገዋል ብለዋል፡፡

 

የወጣቶች የበጎ ፈቃደኝነት ተግባር ቀጣይነት እንዳለው የተናገረው ደግሞ የክፍለ ከተማው ወጣት አደረጃጀት ፕሬዘዳንት ወጣት ዮናስ ግርማ ነው፡፡ እንደ ወጣት ዮናስ ገለፃ በክረምት የበጎ ፈቃደኝነት ስራዎች በርካታ ወጣቶች ተሳታፊዎች የነበሩ ሲሆን በጤና ዘርፍ የግንዛቤ ማስጨበጫ ተሰጥቷል፡፡

 

የበጎፈቃደኝነት ተግባር ላይ መሳተፋቸው ያላቸውን ክህሎት የሚያሳይና ወጣቶች በፍቃደኝነት የተመሰረተ የኤች.አይ.ቪ ምርመራ በማድረግ ጤናቸውን እንዲጠብቁ ያደርጋቸዋል ብሏል፡፡

 

የወጣቶችን ተሳታፊነት ለማረጋገጥ በ5 ዋና ዋና ዘርፎች ላይ እንዲሳተፉ መደረጉን የተናገሩት የክፍለከተማው የወጣቶችና ስፖርት ጽ/ቤት ኃላፊ አቶ ደስታ ሎሬንሶ ወጣቶች በችግኝ ተከላ፤በትምህረት፤በስነተዋልዶ፤በሰብዓዊ መብትና መልካም አስተዳደር ዙሪያ ሰፊ ስራዎች መሰራታቸውን አስረድተዋል፡፡

 

በክረምቱ የመርሀ ግብር 28 ሺ 98 ወጣቶች ተሳታፊዎች እንደነቡ የተናገሩት ኃላፊው ወጣቶች የተጀመረውን መልካም ስራ በመግባባትና በአዎንታዊ አስተሳሰብ እንዲያጠናክሩት አሳስበዋል፡፡

 

በእለቱ የኤች.አይ.ቪ ኤድስን ዘርፈ ብዙ ችግሮችን የሚያሳይ ሙዚቃዊ ድራማ የቀረበ ሲሆን ለበጎ ፈቃደኝነት ስራው አስተዋፅኦ ላደረጉ ጽ/ቤቶችና ወጣቶች የምስክር ወረቀትና የዋንጫ ሽልማት ተበርክቶላቸዋል፡፡

 

በህፃናት ላይ የሚደርሱ ፆታዊ ጥቃቶችን ለመግታት በሚደረገው ጥረት ላይ የሁሉንም የህብረተሰብ ክፍል ርብርብ እንደሚሻ ተገለፀ፡፡

 

የቂርቆስ ክፍለከተማ የሴቶችና ህፃናት ጉዳዮች ጽ/ቤት ከአዲስ አበባና ከክፍለከተማው ኤች.አይቪ.ኤድስ መከላከልናመቆጣጠር እንዲሁም ከብራይት ፎርችልድረን ከተባለ ግብረሰናይ ድርጅት ጋር በመተባበር በህፃናት ላይ በሚደርሰው ፆታዊ ጥቃት ዙሪያ የማህበረሰብ ውይይት አካሂደዋል፡፡

 

በዕለቱ የመክፈቻ ንግግር ያደረጉት የክፍለከተማው የሴቶችና ህፃናት ጉዳይ ጽ/ቤት ኃላፊ ወ/ሪት ራሔል ሙሉጌታ እንደተናገሩት በሀገራችን የህፃናትላይ የሚደርሰው ፆታዊ ጥቃት እየተስፋፋ ይገኛል ይህንን አካላዊና ስነልቦናዊ ጥቃት ለማስቆም የማህበረሰብ ውይይቱ የጉላ ሚና ይጫወታል ብለዋል፡፡

 

የክፍለከተማው ዋና ስራ አስፈፃሚ አቶ ሲሳይ አያሌው በውይይቱ ላይ በመገኘት ባደረጉት ንግግር እንዳሉት ህፃናት የሀገር ተስፋና የትውልድ ተተኪ ናቸው፤ ይሁንና በሚደርስባቸው ፆታዊ ጥቃት ሳቢያ ለኤች.አይ.ቪኤድስ ይጋለጣሉ በመሆኑም የኤች.አይ.ቪኤድስን ስርጭት ለመግታትም ሆነ ህፃናትን ከጥቃት ለመታደግ ህብረተሰቡ ትኩረት ሰጥቶ ሊንቀሳቀስ እንደሚገባ ጠቁመዋል፡፡

 

የብራይት ፎርችልድረን ዳይሬክተር አቶ ሱልጣን ሙሄ በበኩላቸው በወንድ ህፃናት ላይ የሚደርሰው ፆታዊ ጥቃት በከፍተኛ ደረጃ እየተስፋፋ ይገኛል ይሁንና ለጉዳዩ የተሰጠው ትኩረት ግን አናሳ ነው ብለዋል፡፡ በዚህም ህፃናት በሚደርስባቸው ጥቃት ሳቢያ የሚጠበቅባቸውን እንዳያበረክቱ አግዷቸዋል ብለዋል፡፡ ዳይሬክተሩ ለጉዳዩ ሁሉም የህብረተሰብ ክፍሎች ትኩረት እንዲጡት ጠይቀዋል፡፡

 

በክፍለከተማው የህፃናት መብቶች ማስከበር፤ ድጋፍና እንክብካቤ ዋና የስራ ሂደት ባለቤት ወ/ሮ እየሩሳሌም ሀይሉ እንደተናገሩት የውይይት መድረኩ በህፃናት ጥቃት ዙሪያ የማህበረሰቡን ግንዛቤ ከመጨመሪም ባሻገር ጥቃቱ እንዲቆም ተግባራዊ እንቅስቃሴ እንዲደርጉ ያግዛል ብለዋል፡፡

 

በውይይት መድረኩ ከተለያዩ የሀይማኖት ተቋማት የተውጣጡ የሀይማኖት አባቶች፤የወጣትና የሴት አደረጃጀቶችና የተለያዩ የህብረተሰብ ክፍሎች ተሳታፊ ሆነዋል፡፡

 

የቂርቆስ ክፍለከተማ ትምህርት ጽ/ቤት ዓመታዊ የትምህርት ጉባኤውን አካሄደ፡፡ በበጀት ዓመቱ የተከናወኑ ተግባራት ካለፈው ዓመት ጋር ሲነፃፀር የተሻለ አፈፃፀም እንደነበረው ተመልቷል፡፡

 

ትምህርት ጽ/ቤቱ ዓመታዊ ጉባኤውን ባካሄደበት ወቅት እንደተገለፀው ትምህርት ጽ/ቤት በዓመቱ ያከናወናቸው ተግባራት አበረታች እንደነበሩ ተመልክቷል፡፡

 

በእለቱ የተሻለ አፈፃፀም ያስመዘገቡ ቀበሌዎች ቀበሌ 08/09፣02/03 እና 17/18 ትምህርት ጽ/ቤቶች ዓመታዊ ሪፖርታቸውን ያቀረቡ ሲሆን ሰፋ ያለ ውይይት ተደርጎባቸዋል፡፡

 

የቂርቆስ ክፍለከተማ ትምህርተ ጽ/ቤት ኃለፊ አቶ ተስፋዬ ነጋሽ እንደተናገሩት በዓመቱ በትምህረት ጽ/ቤት በርካታ ተግባራት የተከናወኑ ሲሆን የትምህርት ጥራትን ለማረጋገጥ የተደረገው ጥረት አበረታች እንደነበር ተናግረዋል፡፡ በዓመቱ ትምህረትን የሚያቋርጡና የሚደግሙ ተማሪዎች ቁጥር ለመቀነስ በተደረገው ጥረትም ከፍተኛ መሻሻል መታየቱን አቶ ተስፋዬ ገልፀዋል፡፡

 

በዓመቱ የተሻለ አፈፃፀም አሳይተዋል ተብለው ሪፖርታቸውን ካቀረቡት ቀበሌዎች መካከል የቀበሌ 08/09 ትምህርት ጽ/ቤት ኃላፊ አቶ ተስፋዬ ብርሀኑ እንደተናገሩት ቀበሌአቸው በክፍከተማ ደረጃ በትምህረት ጥራትፓኬጅ የአንደኝነትን ደረጃ ያገኘ ሲሆን በከተማ ደረጃም በ99 ቀበሌዎች በ2ኛ ደረጃ መቀመጡን ገልፀዋል፡፡

 

 

ከስድስት የትምህርት ጥራት ፓኬጅ አራቱን ተግባራዊ በማድረግ መልካም አፈፃፀም እንዳሳዩ ተናግረዋል፡፡ በዓመቱ በተደረገው ጥረት የሚደግሙና የሚያቋርጡ ተማሪዎችን ቁጥር መቀነስ እንደተቻለ የጠቀሱት አቶ ተስፋዬ 14 ከሚሆኑግብረ ሰናይ ድርጅቶች ጋር በመተባበር ከ308 ሺ ብር በሚበልጥ ወጪ አቅም የሌላቸው ተማሪዎች ትምህርት እንዲያገኙ መደረጉን አቶ ተስፋዬ ተናግረዋል፡፡

 

       በቂርቆስ ክፍለ ከተማ በሚገኙ ስድሰት ቀበሌዎች የቀበሌ ም/ቤቶች 4ኛ መደበኛ ጉባኤ ተካሂደዋል፡፡

      በጉባኤዎቹ ላይ እንደገለጸው ህዝቡን በሰላም በልማትና በመልካም አስተዳደር ተጠቃሚ ማድረግ የመንግስት አላማ ሲሆን መንግስትና ህዝብ እጅ ለእጅ ተያይዘው ሀገራችንን በልማት ጎዳና ተጉዛ ከበለጸጉ ሀገሮች ተርታ እንድትሰለፍ የሁሉም አስተዋጽኦ የጎላ መሆን እንደሚገባው ተመክጸዋል፡፡

      በቀበሌ 01/19 በተካሄደው ጉባኤ ላይ በቀረበው ሪፖርት  እንደተገለጸው በበጀት ዓመቱ አበረታችየሚባል ውጤቶች እንደተመዘገቡና ለህዝቡ ጥያቄ አፋጣኝ ምላሽ በመስጠትም አዲስና የመስረረታዊ አሰራር ሂደት ለውጥ ተግባራዊ መደረጉ ተገጸዋል፡፡

      የሴቶችንና የወጣቶችን ማህበራዊ ኢኮኖሚያዊና ፖለቲካዊ ችግሮች ለመፍታት እንዲችልም የሴቶችና የወጣቶች ፎረሞች እንዲጠነክሩ ጥረት መደረጉ ተገልጸዋል፡፡

      የቀበሌ 15/16 አፈ ጉባኤ አቶ ወርቁ መኮንን ከጉባኤው በኋላ እንደተናገሩት ም/ቤቱየ2001 ዓ/ም መልካም ተሞክሮዎችን በመድገምና ደካማ ጎኖችን በማሻሻል በ2002 ዓ/ም የተሸሉ ግቦችን ለመምታት መነሳሳታቸውን ገልጸዋል ፡፡

      በሁሉም ቀበሌዎች በተካሄዱት ጉባኤዎች የ3ኛውን የም/ቤት ጉባኤ ቃለ ጉባኤ ለተሳታፊዎቸረ ቀርቦ ሰፊ ውይይት ከተደረገበት በኃላ የፀደቀ ሲሆን በተመሳሳይየ2001 ዓ.ም ዕቅድ ክንውነን ሪፖርትና የ2002 በጀት ዓመት ዕቅድ ለም/ቤት አባላት ቀርቦ ጸድቋል፡፡

      በተመሳሳይ ጉባኤዎችም በቀበሌ 17/18 በቀበሌ 02/03 እና በቀበሌ 20/21 እንዲሁም በቀበሌ 10 የም/ቤቶች 4ኛ መደበኛ ጉባኤዎች ተካሂደዋል፡፡

 

 

 

 

22/11/2001

መንግስት በፈጠረው ምቹ የመደራጀት ሁኔታ በመጠቀም በቀበሌ 02/03 የሚገኙ ባምቦ የመኪና እጥበት ሥራ ማህበር አባላት ኑሮአቸው እንደተቀየረ ገለጹ ፡፡

 

ማህበሩ በግንቦት 1996 ዓ/ም አስር አባላት ሆነው በ1000 ብር ካፒታል መንግስት በሰጣቸው የመሥሪያ ቦታ ላይ በመደራጀት የመኪና እጥበት ሥራ ላይ ተሰማሩ ፡፡

 

የማህበሩ ሊ/መንበር ወጣት ድረሰው ጌታቸው እንደተናገረው በየአስፋልት ዳር በተናጠል ይሰሩ የነበሩ አስር ወጣቶች በ1996 ዓ/ም በመደራጀት በ1000 ብር ካፒታል መንግስት በሰጣቸው የሥራ ቦታ ላይ የመኪና እጥበት ሥራ ጀምረው ዛሬ በ2001 ዓ/ም የ50000 ብር ካፒታል ባለቤት ሆነዋል፡፡ ከሚሰሩበት ቦታ ርቀው ውሀ በባልዲ በማጓጓዝ ሲሰሩ የነበሩ ወጣቶች አሁን ግን ከሚያገኙት ገቢ በመቆጠብ ቧንቧ በማስገባት የመስራት አቅማቸውን በማሳደግ እየሰሩ ይገኛሉ፡፡

 

ባለ ራእዩ ወጣት ድረሰው ጌታቸው ስራን ሳይንቁ በርትተው ከሰሩ ከትንሽ ነገር ተነስተው ወደ ትልቅ ደረጃ ላይ መድረስ እንደሚቻል ገልጸው ወጣቱ ተበታትኖ ከመሥራት ይልቅ ድር ቢያብር አንበሳ ያስር እምደሚባለው ተደራጅተው በመስራት ለራስ አልፎ ለሀገር ትልቅ አስተዋጽኦ እንደሚኖረው ተናግሯል፡፡

 

የባንቦ መኪና እጥበት ማህበር ጸሀፊ ወጣት ሲሳይ በላይ በበኩሉ በፊት በተናጠል አስፋልት ዳር መኪና ያጥብ እንደነበር አስታውሰው አሁን ግን በማህበር በመደራጀቱ ተጠቃሚ እንደሆነና ከበፊቱ ጋር ሲያስተያይ የቀን ገቢው እንደጨመረ ተናግሯል፡፡ በማህበር መደራጀታቸው ትልቅ ሀይል እንደሆናቸው ወጣቱ ጨምሮ ገልጿል፡፡

 

የቀበሌ 02/03 የጥቃቅንና አነስተኛ ኢንተርፕራይዝ የሥራ ሂደት መሪ አቶ ኢዮብ አለባቸው እንደገለጹት ማህበሩ በትንሽ ካፒታል ተነስተው የተፈጠሩላቸውን ምቹ የመደራጀት ሁኔታዎችን በመጠቀም ዛሬ ጥሩ ደረጃ ላይ መድረስ ችለዋል፡፡ ለማህበሩ የብድር አገልግሎት የክትትልና የሙያ ድጋፍ እንደሚሰጣቸው አቶ ኢዮብ ገልጸዋል፡፡

በመጨረሻም አቶ ኢዮብ ለማህበሩ በሥራው ላይ የሚያጋጥሙ ችግሮችን ለማቃለልና ጥሩ ክትትል እንደሚያደርጉ ገልጸው ማህበሩም ጠንክሮ በመስራት ለሌሎች ወጣቶች አርአያ መሆን እንዳለበት አስገንዝበዋል፡፡

 

አምሳሉ ታደሰ

0911-94-35-70

 

ህገወጥ ተግባራትን በማስቆም ረገድ የህብረተሰቡ ተሳትፎ የላቀ ጠቀሜት እንዳለው ተመለከተ፡፡

 

በቂርቆስ ክፍለከተማ የለገሀር ፖሊስ ጣቢያ የኮሚኒቲ ፖሎሲንግ ኃላፊ ኢኒስፔክተር ዳኜ አለሙ እንደተናገሩት በቀበሌ 15/16 ክልል ውስጥ ቀጠና 3 እና ቀጠና 5 በሚባሉ አካባቢዎች በርካታ ህገ-ወጥ እርዶች ይካሄዳሉ ፡፡ በዚህም ፖሊሶች ከህብረተሰቡ በደረሳቸው ጥቆሞ መሰረታ 5 የታረዱ የበግ ስጋዎች ፤ 9 የበግ ቆዳዎችና 2 በጎች ከነሰ,ፍሳቸው መያዛቸውን አስታውቀዋል፡፡

 

በጸጥታ ጉዳይና ጠቅላላ በቀበሌው በሚካሄዱ ህገ-ወጥ ተግባራት ላይ ከህብረተሰቡ ጋር ሰፊ ውይይት መካሄዱን ያስታወሱት ኢንስፔክትሩ እነዚህን ነውጽህናቸው ባልተጠበቀ ቦታዎች የሚታረዱትን ስጋዎች መልሶ ህብረተሰቡን ጉዳት ላይ የሚጥል በመሆኑ ህብረተሰቡ ከፖሊስ ጋር አብሮ ከስራ ህገ-ወጥ ስራዎችን ማጥፋት ይቻላል ብለዋል፡፡

 

ረዳት ኢንስፔክተር ዳሉ ገብሩ በበኩላቸው በቀን ውስጥ ከ10 እስከ 15 ህገ-ወጥ እርድ እንደሚካሄድ ገልጸው ከደንብ አስከባሪዎችና ህብረተሰቡ ጋር በመተባበር በቀጣይም በየአከባቢው በመዘዋወር ክትትል እንደሚያደርጉ ተናግረዋል፡፡

 

በአዲስ አበባ ቄራዎች ድርጅት የህገ-ወጥ እርድ ቁጥጥር ቡዱን መሪ አቶ ሰይፈ ተክሌ እንደገለጹት ጤንነታቸው በህክምና ባለሙያዎች ያልተረጋገጠና ንጽህናው ባልተጠበቀ ቦታ ላይ የሚታረዱ እንስሳዎችን በአከባቢው ደንብ አስከባሪዎች ከያዙት በኋላ እንሚረከቡት ተናግረዋል፡፡ እነዚህን ለጤና ጠንቅ የሆኑ ተግባራትን በማሳወቅ እረገድ የህብረተሰቡ ትብብር ቀጣይነት ሊኖረው እንደሚገባ ጠቁመዋል፡፡

 

 

21/11/2001

 

የቂርቆስ ክ/ከተማ የአመራር አካላትና የካቢኔ አባላት በአሻራ የተደገፈ የግብር አከፋፈል ስርዓቱን ለመቀበል አሻራ ሰጡ፡፡

 

የክ/ከተማው ዋና ሥራ አስፈጻሚ አቶ ሲሳይ አያሌውና ም/ሥራ አስፈጻሚና የማስታወቂያ ጽ/ቤት ኃላፊ አቶ ገ/እግዚአብሄር ገ/ማሪያም እንዲሁም የክ/ከተማዋ የካቢኔ አባላትና የጽ/ቤት ኃላፊዎች ዘመናዊና በአሻራ የተደገፈ የግብር አከፋፈል ስርዓትን ለመቀበል አሻራቸውን በመስጠት የግብር ከፋይ መለያ ቁጥር ወስደዋል፡፡

 

የክ/ከተማው ዋና ሥራ አስፈጻሚ አቶ ሲሣይ አያሌው አሻራቸውን ከሰጡ በኋላ እንደተናገሩት በአሻራ የተደገፈ የግብር አከፋፈል ሥርዓት መኖሩ አሰራሩን ዘመናዊና ደረጃውን የጠበቀ እንዲሆን ከማስቻሉም በላይ የግብር ከፋዩን የተሟላ መረጃ ለመያዝ እንደሚያስችል ተናግረዋል፡፡

 

በአገሪቱ በጣት አሻራ የተደገፈ የግብር አከፋፈል ስርዓት መዘርጋቱ ድግግሞሽን በማስቀረት መንግስት ምን ያህል ግብር ከፋዮች እንዳሉት ከማሳወቁ በተጨማሪ ወደ ግብር አከፋፈል መረቡ የገቡትንና ያልገቡትን ለይቶ ለማወቅ እንደሚረዳ ተገልጿል፡፡

 

የክ/ከተማው ፋይናንስና ኢኮኖሚ ልማት ጽ/ቤት ኃላፊ አቶ ማዘንጊያ ካሳ በበኩላቸው በጣት አሻራ የተደገፈ የግብር አሰባሰብ ስርዓት መዘርጋቱ ቀደም ሲል የነበረውን ለአንድ ግብር ከፋይ ከአንድ በላይ ቲን ቁጥር መሰጠቱን አስቀርቶ ለአንድ ግብር ከፋይ አንድ ብቻ ቲን ቁጥር እንዲሰጥ ያስችላል ብለው ሥርዓቱ ማንኛውንም ግብር መክፈል የሚችልና ወደፊት ግብር ሊከፍሉ ይችላሉ ተብለው የሚታሰቡት የግልና የመንግስት ተቀጣሪዎች እንዲሁም በግል ሥራ የተሰማሩትን ያጠቃልላል ብለዋል፡፡ ግብር መክፈል የሚገባቸው ዜጎችም ያለውን ጊዜ በመጠቀም እንዲመዘገቡና አሻራ በመስጠት የዜግነት ግዴታቸውን እንዲወጡ አሳስበዋል፡፡

 ሪፖርተር

 ታሪኩ እንዳለ

 0913-27-85-75

 

21/11/2001

 

በቂርቆስ ክ/ከተማ የሥራ አስኪያጅ ጽ/ቤት በተጠናቀቀው የበጀት ዓመት ያከናወናቸው ተግባራት አበረታች እንደነበሩ አመለከተ፡፡

 

በመሬት ልማት ባንክ፣ በከተማ ፕላንና የመሬት አጠቃቀም፣በተቀናጀ የደረቅ ቆሻሻ አስተዳደርና በመሳሰሉት ማዘጋጃቤታዊ አገልግሎት ዘርፎች የተሰጡት አገልግሎቶች አመርቂ እንደነበሩ ጽ/ቤቱ አስታውቋል፡፡ 

 

የክ/ከተማው ሥራ አስኪያጅ አቶ ፍስሀ ገ/እግዚአብሄር እንደተናገሩት በክ/ከተማዋ ህገ-ወጥ የመሬት ወረራን ለመከላከል በክ/ከተማ ደረጃና በቀበሌዎች ግብረሀይል ተቋቁሞ በየጊዜው እየተገናኘ በመወያየት አስፈላጊውን እርምጃ እንደሚወስድ አመልክተው መሬት ወስደው ግንባታ ያልጀመሩ ባለሀብቶችን በተመለከተም ግንባታ እንዲጀምሩ በማሳሰብ ከባለሀብቱ ጋር ውይይት መደረጉን ገልጸዋል፡፡ በዚህ ዓመትም ከ12000 ካሬ ሜትር በላይ መሬት ለኢንቨስትመንትና ለተለያዩ ልማቶች እንዲውሉ ለሊዝ ጨረታ መቅረቡን ያመለከቱት ሥራ አስኪያጁ በቀጣይ ዙር ለሊዝ የሚቀርብ ከ35 ሄክታር በላይ መሬት ለማዘጋጀት መታቀዱን ተናግረዋል፡፡

 

ማዘጋጃ ቤታዊ አገልግሎቶች ወደየቀበሌዎች ወርደው ለተገልጋዩ በቅርበት እንዲሰጡ ለማድረግም የG+1 ቪላ ቤት ግንባታ ፈቃድ መስጠትን ጨምሮ የድንበር ይገባኛል ጥያቄና የዕድሳት ፈቃድ የመሳሰሉት አገልግሎቶች ወደ ቀበሌዎች ወርደው አገልግሎቶች እየሰጡ እንደሚገኙ ተመልክቷል፡፡አገልግሎቱ መቼና ደንበኛን ማዕከል ያደረገ እንዲሁም ለማድረግም ፋይሎችና የይዞታ ማህደሮች ወደ ቀበሌዎች እየወረዱ እንደሚገኙ ተገልጿል፡፡

 

በውበትና መናፈሻ አገልግሎት ዘርፍም በክ/ከተማው ከሚገኙ የተለያዩ ድርጅቶች ጋር በመተባበር በአካባቢያቸው ፓርኮችን እንዲያለሙና አካባቢያቸውን እንዲያጸዱ ከመደረጉ በተጨማሪ የመንገድን ውበት ለመጠበቅም የመንገድ ጠራጊዎችን በመጠቀም የቆሻሻ አወጋገድ አገልግሎት እንደሚሰጥ ታውቋል፡፡

 

 ታሪኩ እንዳለ

 0913-27-85-75

21/11/2001

 

የቂርቆስ ክ/ከተማ በአቅም ግንባታ ጽ/ቤት አስተባባሪነት በየደረጃው ላሉ ቁጥራቸው 100 ለሚሆኑ አመራሮች ለ6 ቀን የሚቆይ ሁለተኛው ዙር የለውጥ አመራርና የአሰልጣኞች ስልየና በሲቪል ሰርቪስ ኮሌጅ ተጀመረ፡፡

 

የኮሌጁ ረዳት ፕሮፌሰር መስፍን ለማ እንደተናገሩት ስልጠናው እየተሰጠ ያለው በሁለት ዙር ሲሆን የመጀመሪያ ዙር ከሐምሌ 13/11/2001 እስከ 17/11/2001 ለአንድ መቶ አመራሮች መሰጠቱን አስታውሰው በሁለተኛ ዙርም ቁጥራቸው ተመሳሳይ ለሆኑ በየደረጃው ለሚገኙ አመራሮች ለተከታታይ ስድስት ቀናት እንደሚሰጥ ገልጸዋል፡፡ እንደ ረዳት ፕሮፌሰር መስፍን ለማ የስልጠናው ዋና ዓላማ ሀገራችን በጀመረችው የለውጥ እንቅስቃሴ ላይ የሚያስተባብሩት በየደረጃው ያሉ አመራሮች ስለሆኑ በበለውጡ ውስጥ የራሳቸውን አስተዋጽኦ እንዲያደርጉና ለውጡን እውነተኛ በማድረግ ሀገሪቷን ወደ ተሸለ ደረጃ የሚያደርሱ መሆናቸውን ለማብሰርና ለማነሳሳት ጭምር ተብሎ የተዘጋጀ ስልጠና መሆኑን ተናግረዋል፡፡

 

ከስልጠናው በኋላ ሁሉም አመራር በለውጥ ጎዳና ላይ ገብቶ የነበረውን የአፈጻጸም ክፍተት በማስተካከል ብዙዎችን አሳታፊ በማድረግ ከሚጠበቀው በላይ መሥራት እንደሚችሉ ረዳት ፕሮፌሰሩ ያላቸውን እንነት ገልጸዋል፡፡

 

በሀገራችን ለለውጥ መነሳሳትና ቁርጠኝነት ይታያሉ፡፡ ግን መነሳሳትና ቁርጠኝነት ብቻ ብዙ ሊያራምደን አይችልም ያሉት ረዳት ፕሮፌሰር መስፍን ለማ ዋናው ነገር አጋዥ አቅም በመፍጠር አመራሮች ውጤታማ መሆናቸውንና አለመሆናቸውን በየጊዜው ቢመረመር በቃል ቁርጠኛ የሆኑበትን በተግባር ለማሳየት እንደዚህ ዓይነቱ ስልጠና አስፈላጊ ነው፡፡

 

ከሰልጣኞች መካከል የቀበሌ 11/12 የአቅም ግንባታ ጽ/ቤት ኃላፊ ወ/ት ቤዛዊት አወቀ ስልጠናውን አስመልክቶ አስተያየት እንደሰጡት ስልጠናው ከመጀመሪያ ሁለት አሳታፊ የነበረና ከዚህ ስልጠና ያገኙትን ዕውቀት ወደ ሥራ ገበታቸው ሲመለሱ ወደ ተግባር ለመቀየርና ሌሎች ሠራተኞች ውስጥም ለማንጸባረቅ ዝግጁ እንደሆኑ ተናግረዋል፡፡

 

የፍትህና ህግ ጉዳዮች ጽ/ቤት ደንብ ማስከበርና መቆጣጠር ወሳኝ የሥራ ሂደት ባለቤት አቶ በእውቀቱ ገበየሁ በበኩላቸው የስልጠናው መክፈቻ ጥሩ እንደነበረ ገልጸው ይህ ስልጠና ለአመራሩ የአመራር ክህሎቱን በየጊዜው በማዳበር የተሰጠውን ሥራ በብቃት ማስኬድ ይረዳል ብለዋል፡፡ በመጨረሻም አቶ በዕውቀቱ እንደተናገሩት ሁሉም ሰልጣኝ ስልጠናውን በጥሞና በመከታተል በሥራ ማሳየት አለበት ብለዋል፡፡

 

የቂርቆስ ክፍለከተማ ፋይናንስና ኢኮኖሚ ልማት ጽ/ቤት በ2001 የበጀት ዓመት ከ660 ሚሊዮን 18ሺ 700 ብር በላይ መሰብሰቡን አስታወቀ፡፡

 

በክፍለከተማው የፋይናንስና ኢኮኖሚ ልማት ጽ/ቤት ኃላፊ አቶ ማዘንጊያ  ካሳ እንዳብራሩት በጽ/ቤቱ ከሚከናወኑ አበይት ተግባራት መካከል የገቢ ግብር አሰባሰብ ነው፡፡ በዚህም በበጀት ዓመቱ ሊሰበሰብ ከታቀደው 694 ሚሊዮን 320 ሺ ብር 660 ሚሊዮን 18 ሺ 700 ብር በላይ በመሰብሰብ የእቅዱን 95 በመቶ ማከናወኑን ገልጸዋል፡፡

 

በከፍተኛ ደረጃ ገቢ ይሰበሰባል ተብሎ እሚገመተው ከክፍለከተማ ገቢዎች መምሪያና ከቀበሌዎች መሆኑን የጠቀሱት ኃላፊው በዚህም 315 ሚሊዮን 195 ሺ 517 ብር ለመሰብሰብ ታቅዶ 427 ሚሊዮን 827 ሺ 700 ብር በላይ በመሰብሰብ የእቅዱን 135 በመቶ ማሳካት መቻሉን አስገንዝበዋል፡፡

 

እንደ ኃላፊው ገለጻ በዋና ስራ አስፈጻሚ የሚመራ የገቢ ዳሳሽ ኮሚቴ ተቋቁሞ ከሁሉም የሚመለከታቸው የገቢ ግብር የሚሰበስቡ መ/ቤቶችና ባለድርሻ አካላት ጋር በመወያየት ለሚፈጠሩ ችግሮች የመፍትሄ አቅጣጫ ተወስዷል ብለዋል፡፡

 

የገቢ አሰባሰቡን በተፈለገው ደረጃ ለማስኬድ ከቀበሌዎች ጋርና በከፍተኛ ደረጃ ግብር ከሚሰበስቡ የክፍለከተማው 4 ጽ/ቤቶች ጋር በጊ አሰባሰቡ ዙሪያ ግምገማ እንደሚያካሂድ ነው የገለጹት፡፡

 

የግብር ከፋዩን ግንዛቤ ለመጨመር ቅስቀሳ ማድረግ ያስፈልጋል ያሉት ኃለፊው በተደረገው የግንዛቤ ማስጨበጥ ስራ በተጨማሪ እሴት ታክስ 600 ግብር ከፋዮችን ለማስመዝገብ ታቅዶ ከ420 በላይ ግብር ከፋዮች መመዝገባቸውን አስረድተዋል፡፡

 

ቀድሞ ለአንድ ጉዳይ በ4ና ከዘያ በላይ ቢሮዎች ጋር መመላለስ ይጠይቅ እንደነበረ አስታውሰው በጽ/ቤቱ በመተግበር ላይ ያለውን የመሰረታዊ የአሰራር ሂደት ለውጥን ተከትሎ ጉዳያቸውን በአንድ ቦታ በመጨረስ ተገልጋዮች እንዳይንገላቱ መደረጉን አስታውቀዋል፡፡

 

በ2002 የበጀት ዓመትም ከ900 ሚሊዮን ብር በላይ ለመሰብሰብ መታቀዱን ገልፀው ለገቢ አሰባሰብ መጠናከር የግብር ከፋዩንም ሆነ የሌሎች ባለድርሻ አካላት ርብርብ ተጠናክሮ እንዲቀጥል ጠይቀዋል፡፡